Ladki Bahin Yojana November Installment Date 2025 : लाडकी बहीण योजनेचा नोव्हेंबर महिन्याचा हप्ता नेमका कधी जमा होणार, हा प्रश्न सध्या लाखो लाभार्थी महिलांच्या मनात आहे. २ आणि ३ डिसेंबरला नगरपरिषद व नगरपंचायतींच्या निवडणुका होणार असल्याने निवडणूक आचारसंहितेचा परिणाम हप्ता जमा होण्यावर होईल का, याबाबतही महिलांमध्ये संभ्रम होता. मात्र मिळालेल्या प्राथमिक माहितीनुसार, नोव्हेंबरचा हप्ता निवडणुकीपूर्वीच पात्र महिलांच्या खात्यात जमा होण्याची शक्यता अधिक आहे.
ई-केवायसीमध्ये मोठी अडचण, मुदत ३१ डिसेंबरपर्यंत वाढवली
लाडकी बहीण योजनेसाठी आवश्यक असलेल्या e-KYC प्रक्रियेमध्ये राज्यभरात मोठ्या प्रमाणावर अडचणी येत असल्याचे स्पष्ट झाले आहे. जवळपास १ कोटींहून अधिक महिलांची ई-केवायसी प्रक्रिया अद्याप अपूर्ण आहे. या परिस्थितीचा विचार करून सरकारने अंतिम मुदत ३१ डिसेंबर २०२५ पर्यंत वाढवली आहे. त्यामुळे ई-केवायसीमुळे हप्ता अडकण्याची भीती असलेल्या महिलांना मोठा दिलासा मिळाला आहे.
सरकारी अधिकाऱ्यांच्या माहितीनुसार, ज्यांच्या खात्यात ऑक्टोबर महिन्याचा हप्ता आला आहे, त्यांच्या खात्यात नोव्हेंबरचा हप्ता देखील जमा होणार आहे. मात्र, डिसेंबरअखेरपर्यंत e-KYC पूर्ण न केल्यास जानेवारीपासूनचे हप्ते थांबू शकतात.
हेही वाचा: घरातील कर्ता व्यक्ती निधन पावल्यास सरकारकडून 20,000 रुपयांची मदत, जाणून घ्या कोणाला मिळणार लाभ.
नागपूर जिल्ह्यात ९५ हजार लाभार्थी अपात्र
दरम्यान, नागपूर जिल्हा महिला व बालविकास विभागाने सादर केलेल्या ताज्या यादीत सुमारे ९५ हजार महिलांना योजनेतून अपात्र ठरवण्यात आले आहे. अपात्र ठरलेल्या महिलांना मिळणारे दरमहा १५०० रुपये थांबवण्यात आले आहेत. अपात्रतेची कारणे प्रामुख्याने — नियम पूर्तता न करणे, दस्तऐवजांतील विसंगती आणि कुटुंबाचे वार्षिक आर्थिक उत्पन्न जास्त असल्याचे सूत्रांकडून सांगितले जाते.
राज्यातील लाखो महिलांचे लक्ष आता फक्त एका गोष्टीकडे आहे—नोव्हेंबरचा हप्ता त्यांच्या खात्यात कधी येणार? अधिकृत घोषणा लवकरच अपेक्षित आहे.
