PM Kisan Yojana 23rd Installment Update Maharashtra : पीएम किसान सन्मान निधी योजनेच्या 23व्या हप्त्याची प्रतीक्षा करणाऱ्या कोट्यवधी शेतकऱ्यांसाठी महत्त्वाची बातमी समोर आली आहे. केंद्र सरकार लवकरच 2000 रुपयांचा पुढील हप्ता जमा करणार आहे.
मात्र यावेळी नियम अधिक कडक करण्यात आले असून अनेक शेतकऱ्यांचे पैसे अडकण्याची शक्यता आहे.यावेळी फक्त त्याच शेतकऱ्यांना लाभ मिळणार आहे ज्यांनी सर्व कागदपत्रांची प्रक्रिया पूर्ण केली आहे. अपूर्ण माहिती किंवा चुकीचा डेटा दिलेल्या शेतकऱ्यांना हप्ता मिळणार नाही. त्यामुळे वेळेत आपली माहिती तपासणे आवश्यक आहे.
हप्ता अडकण्याचे मुख्य कारण म्हणजे e-KYC पूर्ण न करणे. सरकारने स्पष्ट केले आहे की, डिजिटल व्हेरिफिकेशनशिवाय पैसे दिले जाणार नाहीत. तसेच जमीन नोंद (Land Seeding) सरकारी रेकॉर्डशी लिंक असणेही गरजेचे आहे. अनेक वेळा पोर्टलवर जमीन नोंद अपडेट नसल्यामुळे हप्ता अडकतो.
त्याचप्रमाणे, बँक खाते आणि आधार लिंक नसणे हीदेखील मोठी समस्या आहे. DBT द्वारे पैसे पाठवण्यासाठी आधार-सीडेड बँक खाते आवश्यक आहे. खाते निष्क्रिय असल्यास किंवा आधारशी लिंक नसल्यास पेमेंट फेल होऊ शकते.
सरकार आता अपात्र शेतकऱ्यांवरही कारवाई करत आहे. ज्या कुटुंबात कोणी आयकर भरतो, सरकारी नोकरीत आहे किंवा एका जमिनीवर अनेक जण लाभ घेत आहेत, अशांना योजनेतून वगळले जात आहे. चुकीची माहिती देणाऱ्यांकडून आधी मिळालेले पैसेही वसूल केले जात आहेत.
म्हणूनच शेतकऱ्यांनी PM Kisan पोर्टलवर जाऊन आपले ‘Beneficiary Status’ तपासून e-KYC, आधार लिंकिंग आणि जमीन नोंद पूर्ण असल्याची खात्री करणे गरजेचे आहे.
हेही वाचा: Shravan Bal Yojana : दरमहा ₹1500 मिळणार! निराधार ज्येष्ठांसाठी ‘श्रावण बाळ’ योजना; काय आहे?.
